Murallas e portas da cidade

A Medina de Marrakech está rodeada por unhas murallas cunha cor rosada moi característica. Comezáronse a construir polo sultán almorávide Ali Ben Yusuf, en 1126, para manter fóra aos almohades, que eran os seus inimigos. Conta cunhas 200 torres, 19 portas e un perímetro de 16 quilómetros.

A Mellah: barrio xudeu

A Mellah é o antigo barrio xudeu de Marrakech, situado moi preto do Palacio Real. Foi onde se instalaron os xudeus cando foron expulsados de España no século XVI.

Mesquita da Kasbah

A Kasbah é un barrio situado no sur da medina, onde podemos atopar, xusto na súa entrada principal, a mesquita da Kasbah, que tampouco permite o acceso aos non musulmáns e que data do século XII.

Palacio Badi

O Palacio Badi foi construido no século XVI polo sultán Ahmed al-Mansur para conmemorar a súa victoria sobre os portugueses na Batalla dos Tres Reis.

Tumbas Saadíes

As tumbas Saadíes son un dos lugares máis visitados de Marrakech e soen estar repletos de turistas. Datan de finales do século XVI e están localizadas nun recinto pechado ao que se accede a través dun pequeno corredor.

Foron redescubertas en 1917 e abertas ao público, pois a súa entrada fora tapiada no século XVII.

O Palacio Real

O palacio Real atópase na saída sur da Medina e está restrinxido para o turismo, pois sigue sendo unha residencia real. Aínda así, é interesante velo desde fora.